0-5 НАСТАЙ ХҮҮХДЭЭ ЭМЧЛҮҮЛЖ БУЙ ЭЦЭГ, ЭХЭД 3-5 ХОНОГИЙН ЦАЛИНТАЙ ЧӨЛӨӨ ОЛГОХ ТОГТООЛ ГАРГАЛАА
Засгийн газрын 2019 оны 01 дүгээр сарын 16-ны өдрийн хуралдаанаар томуу, томуу төст өвчний дэгдэлтийн үед 0-5 хүртэлх насны хүүхдээ эмнэлэгт эсхүл гэрээрээ 3-5 хоног чөлөө авч асарсан эцэг, эхчүүдэд цалинтай чөлөө олгох тогтоол гаргасан талаар Засгийн газрын Хэвлэл мэдээлэл, олон нийттэй харилцах хэлтсийн дарга мэдээлсэн бөгөөд хувийн компани, аж ахйн нэгжүүдийг ч мөн энэхүү тогтоолыг дэмжиж ажиллахыг уриалав.
Уг тогтоол 2019 оны 01 дүгээр сарын 16-ны өдрөөс эхлэн 2019 оны 03 дугаар сарын 16-ны өдөр хүртэл буюу 3 сарын хугацаанд хүчинтэй байх аж.
Мөн өрхийн эрүүл мэндийн төвийг 2019 оны 01 дүгээр сарын 16-ны өдрөөс эхлэн 2019 оны 03 дугаар сарын 16-ны өдөр хүртэл бямба гараг бүрт ажиллуулахыг Эрүүл мэндийн сайд болон бүх шатны Засаг дарга нарт үүрэг болгосон байна.
Эх сурвалж: Засгийн газрын Хэвлэл мэдээлэл, олон нийттэй харилцах алба