УИХ-аас өчигдөр 2017.02 сарын 02 өдөр Аж ахуй нэгжийн орлогын албан татвар хуулийн төслийг баталлаа. Тус хуулийн үзэл баримтлалд заасны дагуу жилийн албан татвар ногдох орлого нь 1.5 тэрбум төгрөгөөс ихгүй, хүнс, хувцас болон нэхмэлийн үйлдвэрлэл, барилгын материалын үйлдвэрлэл, газар тариалан, мал аж ахуйн үйлдвэрлэлийн чиглэлээр үйл ажиллагаа явуулж буй албан татвар төлөгчийн үндсэн үйл ажиллагааны орлогод ногдуулах татварыг 90 хувь хөнгөлөх зохицуулалттай байна. Ингэснээр жижиг, дунд үйлдвэрлэл эрхлэгч аж ахуйн нэгжийн татварын дарамт буурч, ажлын байр, хөдөлмөр эрхлэлт нэмэгдэх таатай нөхцөл бүрдэх боломжтой гэжээ.