Монгол Улсын Ерөнхийлөгчийн урилгаар Бүгд Найрамдах Словени Улсын Ерөнхийлөгч Др.Наташа Пирц Мусар 2024 оны 8 дугаар сарын 20-21-ний өдрүүдэд төрийн айлчлал хийж байна. Айлчлалын үеэр хоёр улсын төрийн тэргүүн харилцаа, хамтын ажиллагааны дараах баримт бичгүүдэд гарын үсэг зурлаа. • “Монгол, Словенийн хамтарсан тунхаглал” • “Аялал жуулчлалын салбарт хамтран ажиллах тухай Монгол Улсын соёл, спорт, аялал жуулчлал залуучуудын яам, Бүгд Найрамдах Словени Улсын эдийн засаг, аялал жуулчлал, спортын яам хоорондын санамж бичиг” • “Ойн салбарт хамтран ажиллах тухай ойн газар болон урилгаар Бүгд Найрамдах Словени Улсын ойн алба, ойн хүрээлэн хоорондын харилцан ойлголцлын санамж бичиг” • “Монголын үндэсний худалдаа аж үйлдвэрийн танхим болон Словенийн худалдаа аж үйлдвэрийн танхим хоорондын харилцан ойлголцлын санамж бичиг” Мөн түүнчлэн “Агаарын харилцааны тухай засгийн газар хоорондын хэлэлцээр байгуулах асуудлаарх эрмэлзлийн захидал”-аар талууд ойрын хугацаанд Засгийн газар хоорондын хэлэлцээрт гарын үсэг зурж, хэрэгжүүлж эхлэхээр тохиролцлоо.