Монгол Улсын Засгийн Газар 2016 оны 08-р сарын 03-ны өдрийн 10 дугаар Тогтоолоор Засгийн Газрын Хэрэг Эрхлэх Газрын бүтцийг шинэчлэн баталсан. Тогтоолоор Засгийн газрын Хэрэг эрхлэх газрын зохион байгуулалтын бүтцийг дор дурдсанаар баталсан. Үүнд: 1) Стратегийн удирдлага, зохицуулалтын газар (Гадаад хамтын ажиллагааны албатай); 2) Хууль, эрх зүйн газар; 3) Орон нутгийн удирдлага, зохицуулалтын газар; 4) Захиргаа, хүний нөөцийн газар; 5) Хяналт-шалгалт, үнэлгээ, дотоод аудитын газар; 6) Санхүү, хөрөнгө оруулалт, үйлчилгээний хэлтэс; 7) Мэдээллийн технологийн хэлтэс; 8) Төрийн ёслолын хэлтэс; 9) Хэвлэл мэдээлэл, олон нийттэй харилцах хэлтэс; 10) Ерөнхий сайдын ажлын алба; 11) Шадар сайдын ажлын алба. Түүнчлэн Засгийн газрын Хэрэг эрхлэх газрын орон тооны хязгаарыг 115 байхаар тогтоосон байна.