Мэргэжлийн хяналтын ерөнхий газрын даргын 2020 оны 09 дүгээр сарын 14-ний өдрийн А/97 дугаар тушаалын хавсралтаар Ашигт малтмалын нөөц ашигласны төлбөрийг тайлагнах, мэдээлэхтэй холбоотой маягтуудыг баталсан байна. Үүнд: – Ашигт малтмалын нөөц ашигласны төлбөрийн тайлан гаргах маягт; – Экспортолсон болон дотоодод борлуулсан алт, мөнгөнд ногдуулсан АМНАТ тооцсон дэлгэрэнгүй мэдээ гаргах маягт; – Экспортод гаргасан төмөр, жонш, гянтболдод ногдуулсан АМНАТ тооцсон дэлгэрэнгүй мэдээ гаргах маягт; – Алт, мөнгө, төмөр, жонш, гянтболдоос бусад экспортолсон бүтээгдэхүүнд ногдуулсан АМНАТ тооцсон дэлгэрэнгүй мэдээ гаргах маягт; – Экспортод гаргасан нүүрсэнд ногдуулсан АМНАТ тооцсон дэлгэрэнгүй мэдээ гаргах маягт; – Экспортод гаргасан төмөрт ногдуулсан АМНАТ тооцсон дэлгэрэнгүй мэдээ гаргах маягт; – Дотоодод борлуулсан алт, мөнгөнөөс бусад бүх төрлийн уул уурхайн бүтээгдэхүүнд ногдуулсан АМНАТ тооцсон дэлгэрэнгүй мэдээ гаргах маягт. Эдгээр маягтуудыг 2020 оны 3 дугаар улирлаас эхлэн мөрдөж эхлэх юм. Иймд аж ахуйн нэгж, байгууллагууд нь 2020 оны 3 дугаар улирлаас эхлэн АМНАТ-ийн тайлангаа эдгээр маягтуудын дагуу тайлагнана. Маягтуудын загварыг https://www.legalinfo.mn/law/details/15645 линкээс татан авах боломжтой.