Татвар төлөгч татварын тайланг хуулиар тогтоосон хугацаанд, батлагдсан загвар, зааврын дагуу үйлдэж, харьяалах татварын албанд тушаана. Хууль тогтоомжийн дагуу татварын хөнгөлөлт, чөлөөлөлтөд хамрагдах татвар төлөгч нь татварын тайлан тушаах үүргээс чөлөөлөгдөхгүй бөгөөд уг тайлан нь түүнийг татварын хөнгөлөлт, чөлөөлөлтөд хамруулах үндсэн баримт болно. Дээрх баримтад үндсэлэн татварын алба нь татвар төлөгчид татварын хөнгөлөлт үзүүлэх, татвараас чөлөөлөх эсэхийг шийдвэрлэх бөгөөд татвар төлөгчид дараахь хэлбэрээр татварын хөнгөлөлт үзүүлэх буюу түүнийг татвараас чөлөөлнө: Үүнд: Ногдуулсан татварыг хорогдуулах; Татварын хувь, хэмжээг бууруулах; Тогтоосон доод хэмжээнд хүрээгүй орлого, эд хөрөнгө, бараа, ажил, үйлчилгээг татвараас чөлөөлөх; Татвар төлөгчийг татвараас чөлөөлөх; Татвар ногдох зүйлийн зохих хэсгийг татвараас чөлөөлөх; Хууль тогтоомжид заасан бусад хөнгөлөлт. Хэрэв хуульд заасан хугацаанд татварын тайлан, татварын хяналт шалгалтад шаардлагатай материалыг ирүүлээгүй бол хуульд заасан хариуцлага хүлээлгэнэ.