2026 оны 08 дугаар сарын 18-ны өдөр Монгол Улсын Их Хурлын дэд дарга Ж.Бат-Эрдэнэ, УИХ дахь Монгол-Японы парламентын бүлгийн дарга Ж.Галбадрах нар Япон Улсын парламентын Зөвлөхүүдийн танхимын дэд дарга Т.Фүкүяматай уулзаж, Монгол, Япон Улсын “Тусгай стратегийн түншлэл”-ийг бэхжүүлэх, парламент хоорондын хамтын ажиллагааг өргөжүүлэх, хөрөнгө оруулалтын орчныг сайжруулах асуудлаар санал солилцжээ.

Уулзалтын үеэр Монгол Улс хөрөнгө оруулагчдын эрх ашгийг хамгаалах, хөрөнгө оруулалтын орчныг сайжруулахад анхаарч ажиллахаа илэрхийлсэн бол Япон Улсын талаас “Тусгай стратегийн түншлэл”-ийн хүрээнд хөрөнгө оруулалтын орчныг сайжруулах чиглэлээр хамтран ажиллах хүсэлтэй байгаагаа илэрхийлжээ.

Мөн 2027 онд тохиох Монгол, Япон Улс дипломат харилцаа тогтоосны 55 жилийн ойг өргөн хүрээнд тэмдэглэх, хоёр улсын найрсаг харилцаа, хамтын ажиллагааг шинэ түвшинд бэхжүүлэх талаар санал нэгдсэн байна.

Түүнчлэн “Чингис хаан” олон улсын нисэх онгоцны буудлыг өргөтгөх, хүчин чадлыг нэмэгдүүлэх зэрэг хамтын ажиллагааны төсөл, хөтөлбөрийн хэрэгжилтийн талаар ярилцжээ.

Уулзалтын төгсгөлд 2026 оны 10 дугаар сарын 22-нд Улаанбаатар хотноо зохион байгуулах Дэлхийн эмэгтэй парламентчдын чуулга уулзалтад Япон Улсаас төлөөлөл оролцуулах асуудлыг хөндөж, хоёр талын парламентын хамтын ажиллагааг цаашид идэвхжүүлэх талаар санал солилцсон байна.

Эх сурвалж: https://www.parliament.mn/nn/77953/