Монгол Улсын Их Хурлын 2017 оны 07 дугаар сарын 06-ны өдрийн 49 дүгээр тогтоолоор Монгол Улсын Их Хурлын 2017 оны ээлжит чуулганаар хэлэлцэх асуудлуудыг баталсан байна. Ээлжит хуралдаанаар дараах хуулийн төслүүдийг хэлэлцэхээр болжээ. – Монгол Улсын 2018 оны төсвийн тухай хуулийн төсөл; – Нийгмийн даатгалын сангийн 2018 оны төсвийн тухай хуулийн төсөл; – Монгол Улсын Үндсэн хуульд оруулах нэмэлт, өөрчлөлтийн төсөл; – Төрийн албаны тухай хуулийн шинэчилсэн найруулга болон Төрийн албаны тухай хуульд нэмэлт, өөрчлөлт оруулах тухай хуулийн нэгтгэсэн төсөл; – Хөрөнгө оруулалтын банкны тухай хуулийн төсөл; – Улсын бүртгэлийн ерөнхий хуулийн шинэчилсэн найруулгын төсөл; – Эд хөрөнгийн эрхийн улсын бүртгэлийн тухай хуулийн шинэчилсэн найруулгын төсөл; – Иргэний улсын бүртгэлийн тухай хуулийн шинэчилсэн найруулгын төсөл; – Багшийн хөгжлийн тухай хуулийн төсөл; – Донорын тухай хуулийн шинэчилсэн найруулгын төсөл; – Баяжуулсан хүнсний тухай хуулийн төсөл; – Нийслэлийн эрх зүйн байдлын тухай хуулийн шинэчилсэн найруулгын төсөл; – Стандартчилал, техникийн зохицуулалт, итгэмжлэлийн тухай хуулийн шинэчилсэн найруулгын төсөл; – Төв банк /Монголбанк/-ны тухай хуульд нэмэлт, өөрчлөлт оруулах тухай хуулийн төсөл; – Банкны тухай хуульд нэмэлт, өөрчлөлт оруулах тухай хуулийн төсөл.