Монголын Хуульчдын холбоо болон Өмгөөллийн “Дашням Партнерс” ХХК-иас санаачлан явуулдаг “Хуульчийн ажлын байрны үзэсгэлэн яармаг-2024”-ыг 2024 оны 12-р сарын 2-ны өдөр Бэст Вестерн Премьер Туушин зочид буудлын Соёмбо танхимд зохион байгуулсан ба манай нөхөрлөл тус үзэсгэлэн яармагт оролцогч байгууллагаар амжилттай оролцлоо. Уг үзэсгэлэн яармаг нь хууль зүйн чиглэлийн суралцдаг их, дээд сургуулиудын төгсөх курсийн оюутнуудыг ажил олгогчтой холбох, эрх зүйч мэргэжлээр суралцагсад болон төгсөгчдөд санал болгож буй ажлын байр, тэдгээрийн онцлог, тавигдах үндсэн шаардлага зэргийн талаар мэдээлэл өгч, ажилтны анкет хүлээж авахаас гадна хуульчийн ажлын байрны талаар олон төрлийн хэлэлцүүлэг, яриаг өрнүүлснээрээ онцлог өдөрлөг болж өнгөрлөө.