“Өмгөөлөл судлал” хэмээх олон зохиогчтой бүтээлийн цоморлигийн нэгдүгээр ботид 1928 оноос 2011 оныг дуустал хугацаанд нийтийн хүртээл болсон 115 зохиогчийн 169 өгүүлэл, нийтлэлийг хэвлэгдсэн он дарааллаар нь, хоёрдугаар ботид өмгөөлөгчийн эрх зүйн орчин түүнийг шинэтгэх санаа, эрэлхийлэлд зориулсан 30 зохиогчийн 33 өгүүлэл, нийтлэлийг тус тус багтаасан бол эл гуравдугаар ботийг өмгөөлөгчдийн мэргэжлийн өөрөө удирдах ёсны байгууллагын судалгаанд зориулж 14 зохиогчийн 36 бүтээлийг багтаалаа.

Өмгөөлөл судлалын гуравдугаар боть болон хэвлэгдэж байгаа энэхүү бүтээлийн онцлог нь өмгөөлөгчдийн байгууллагын талаарх нэг сэдвийн “өмгөөлөгчдийн байгууллагын мөн чанар”, “өмгөөлөгчдийн байгууллагын гишүүнчлэл”, “өмгөөлөгчдийн байгууллагын удирдлага”, “өмгөөлөгчдийн байгууллагын санхүүжилт”, зэрэг асуудалд төвлөрч олон зохиогчид өөрийн судалгаа, дүгнэлтийг танилцуулж байгаад оршино.