МОНГОЛ УЛСЫН 2025 ОНЫ ТӨСВИЙН ТУХАЙ ХУУЛИУДЫН ТӨСЛИЙГ ЭЦЭСЛЭН БАТАЛЛАА
Монгол Улсын 2025 оны төсвийн тухай хуулиудын төслийг Улсын Их Хурлын 2024 оны намрын чуулганы хуралдаанаар эцэслэн баталжээ. Засгийн газраас 2024 оны 8 сарын 30-нд өргөн барьсан 2025 оны төсвийн, Үндэсний баялгийн сан, Нийгмийн даатгалын сан, Эрүүл мэндийн даатгалын сангийн төсвийн хуулийн төслүүдийн эцсийн хэлэлцүүлэг хийгдсэн байна.
Төсвийн байнгын хорооны танилцуулгаас дурдсанаар, төслүүдийн анхны хэлэлцүүлэгт зарим зүйл, заалтыг гүйцээн боловсруулах шаардлагатай байсан бөгөөд энэ дагуу төслийн заалт бүрийг боловсруулан баталжээ. Хуралдаанаар Монгол Улсын 2025 оны төсвийн тухай хууль, Үндэсний баялгийн сангийн төсөв, Нийгмийн даатгалын сан, Эрүүл мэндийн даатгалын сангийн төсвийн төслийг бүхэлд нь баталсан байна.
Монгол Улсын 2025 оны төсвийн тэнцвэржүүлсэн орлого 23.14 их наяд төгрөг, зарлага 26.49 их наяд төгрөг, хөрөнгө оруулалт 3.93 их наяд төгрөг байхаар тусгасан бөгөөд Засгийн газрын өрийн баталгааны дээд хэмжээ 3.5 их наяд төгрөгөөр тогтоогдсон.
Хуралдааны төгсгөлд "Монгол Улсын 2025 оны төсвийн тухай хууль баталсантай холбогдуулан авах зарим арга хэмжээний тухай" хуулийн төслийг анхны хэлэлцүүлэгт оруулжээ.
Эх сурвалж: https://www.parliament.mn/nn/63314/