“УЛААНБААТАР МАРАФОН-2025” ОЛОН УЛСЫН ГҮЙЛТИЙН БҮРТГЭЛ ЭХЭЛЛЭЭ
Жил бүр уламжлал болгон зохион байгуулдаг “Улаанбаатар марафон” олон улсын гүйлт 2025.05.24-нд болно.
Гүйлтийн 2025.04.01-2025.05.20-нд үргэлжлэх бөгөөд оролцох хүсэлтэй хувь хүн, албан байгууллага, гадаадын иргэд https://ulaanbaatar.marathon.mn/ цахим хуудсаар болон Hipay аппликейшнаар бүртгүүлж онлайнаар хураамжаа төлөх юм.
Гүйлтийн төрлүүд өмнөх жилүүдтэй адил 500 метрээс 42 км хүртэл байна. Бүртгэлийн хураамжийн хувьд
- 1.5 км-т 5.000 төгрөг (гэр бүлийн төрөлд оролцогч гишүүн тус бүр 5.000 төгрөг);
- 5 км-т 10.000 төгрөг;
- 10 км-т 50.000;
- 21 км-т 70.000;
- 42 км-т 90.000 төгрөг байна.
5 км-ийн зайг сонгосон оролцогчид энгэрийн дугаараа 2025.05.01-20-ны 17:00 цаг хүртэл Нийслэлийн Биеийн тамир, спортын газар болон есөн дүүргийн Биеийн тамир, спортын хороодоос авна.
Харин 42 км, 21 км, 10 км-ийн зайд оролцогчдын энгэрийн дугаар, чип, футболк, мөн 1.5 км зайд оролцогчдын баталгаажуулалт, энгэрийн дугаар олгох ажлыг Нийслэлийн Биеийн тамир, спортын газар, 500, 800 м-ийн гүйлтийн бүртгэлийг Монголын тусгай олимпын хороо хариуцан олгох хугацаагаа жич мэдэгдэнэ.
“Улаанбаатар марафон”-д оролцсон хүн бүр “Батламж”-аа https://ulaanbaatar.marathon.mn/ цахим хаягаас хэвлэн авах боломжтой. Мөн “Улаанбаатар марафон” гүйлтийг сонирхон дэмжигчдийн тоо жил бүр нэмэгдэж, 2024 онд гадаад, дотоодын 30 мянган хүн оролцжээ.
Эх сурвалж: https://www.montsame.mn/mn/read/365633