ДЭЭД БОЛОВСРОЛЫН СУРГАЛТЫН БАЙГУУЛЛАГЫН СУРАЛЦАГЧИД ТЭТГЭЛЭГ, ЗЭЭЛ, БУЦАЛТГҮЙ ТУСЛАМЖ ОЛГОХ, ДЭМЖЛЭГ ҮЗҮҮЛЭХ, ЗЭЭЛИЙГ ЭРГЭН ТӨЛҮҮЛЭХ ЖУРАМ ШИНЭЧЛЭН БАТЛАГДЛАА
Монгол Улсын Засгийн газраас 2025 оны 04 дүгээр сарын 30-ны өдөр 215 дугаар “Журам шинэчлэн батлах тухай” тогтоолын хавсралтаар “Дээд боловсролын сургалтын байгууллагын суралцагчид тэтгэлэг, зээл, буцалтгүй тусламж олгох, дэмжлэг үзүүлэх, зээлийг эргэн төлүүлэх журам”-ыг шинэчлэн баталлаа.
Дээрх журмаар гадаадын болон дотоодын дээд боловсролын сургалтын байгууллагын суралцагчид тэтгэлэг, сургалтын зээл, буцалтгүй тусламж олгох, дэмжлэг үзүүлэх, сургалтын зээлийг эргэн төлүүлэхтэй холбогдох харилцааг зохицуулсан байна.
Мөн уг журам шинэчлэн батлагдсантай холбогдуулан "Их, дээд сургуулийг "Сургалт-эрдэм шинжилгээ-үйлдвэрлэлийн цогцолбор" болгон орон нутагт хөгжүүлэх талаар авах зарим арга хэмжээний тухай" Засгийн газрын 2021 оны 10 дугаар сарын 20-ны өдрийн 321 дүгээр тогтоолын 2 дахь заалт, "Журам шинэчлэн батлах, тогтоолд өөрчлөлт оруулах тухай" Засгийн газрын 2024 оны 03 дугаар сарын 06-ны өдрийн 102 дугаар тогтоолыг тус тус хүчингүй болгожээ.