ХҮМҮҮНЛЭГИЙН АРГА ХЭМЖЭЭ
2015 оны 01 сарын 26-нд хүмүүнлэгийн арга хэмжээг Өмгөөллийн “Монгол Өмгөөлөгч” ХХН болон Олон улсын “ЛИДЕР” Арслан клуб ("Leader" Lions Club International) хамтран Насанд хүрээгүйчүүдийн 411-р хорих ангид зохион байгуулжээ. Тус арга хэмжээнд дотоодын хүмүүнлэгийн байгууллагууд идэвхитэй хамрагдсан бөгөөд урилгаар “Precident Aesthetic Dental Clinic” шүдний эмнэлэгийн эмч нар оролцсон байна.
Хүмүүнлэгийн арга хэжээгээр хорих ангийн 110 дугаар бүрэн дунд сургуулийн номын санд 200 гаруй ном, сурах бичиг хандивлан, хууль зүйн зөвлөгөө өгч, амны хөндийн эрүүл ахуйн үзлэг, зөвлөгөө өгч хүүхдүүдэд дусргалын зүйл гардуулах үйл ажиллагааг явуулжээ.
Манай хууль зүйн фирмийн бүх өмгөөлөгч, хуульчид тус арга хэмжээнд идэвхитэй оролцож нийт 60 гаруй ном, сурах бичгийг номын санд хандивлан хүүхдүүдэд урам зориг, эрч хүч бэлэглэх зорилгоор “Ном бидний амьдралд” сэдвээр илтгэл, лекц уншсан байна.
Сайн үйлс бүхэн дэлгэрэх болтугай!