ТӨРИЙН ЗАХИРГААНЫ БОЛОН ҮЙЛЧИЛГЭЭНИЙ АЛБАН ХААГЧИД ТӨРИЙН АЛБА ХААСАН ХУГАЦААНЫ НЭМЭГДЭЛ ХӨЛС ОЛГОХ ЖУРМААС
Монгол Улсын Засгийн газрын 2018 оны 12 дугаар сарын 19-ний өдрийн 382 дугаар тогтоолоор “Төрийн захиргааны болон үйлчилгээний албан хаагчид төрийн алба хаасан хугацааны нэмэгдэл хөлс олгох журам”-ыг баталсан.
Энэхүү журмаар Төрийн албаны мэргэшсэн, тогтвортой байх зарчмыг хангах зорилгоор төрийн захиргааны болон үйлчилгээний албан хаагчид төрийн алба хаасан хугацааны нэмэгдэл олгохыг зохицуулна.
Төрийн алба хаасан хугацааны нэмэгдлийг тухайн төрийн албан хаагчийн төрийн байгууллагад ажилласан хугацааг харгалзан түүний албан тушаалын сарын үндсэн цалингаас дор дурдсан хувиар бодож олгоно:
|
Төрийн алба хаасан хугацаа (жилээр) |
Албан тушаалын үндсэн цалингаас бодох хувь |
|
6-10 жилд |
5 |
|
11-15 жилд |
10 |
|
16-20 жилд |
15 |
|
21-25 жилд |
20 |
|
26 ба түүнээс дээш |
25 |
Мөн журмаар Төрийн албан хаагчийн төрийн алба хаасан хугацааг зохицуулсан байна. Төрийн албанд ажилласан хугацааг тогтоох үндсэн баримт нь хөдөлмөрийн дэвтэр, нийгмийн даатгалын дэвтэр байх юм.
Эх сурвалж: Төрийн мэдээлэл сэтгүүл №15 /1068/