МОНГОЛ УЛСАД ТЕЛЕВИЗИЙН НЭВТРҮҮЛЭГ, АУДИО, ВИДЕО САНГ ИНТЕРНЕТЭЭР ДАМЖУУЛАХ ҮЙЛЧИЛГЭЭ ЭРХЛЭХЭД БАРИМТЛАХ ЧИГЛЭЛ БАТЛАГДЛАА
Харилцаа холбоо, мэдээллийн технологийн газрын даргын 2020 оны 09 дүгээр сарын 14-ний өдрийн А/112 дугаар тушаалаар “Монгол Улсад телевизийн нэвтрүүлэг, аудио, видео санг интернетээр дамжуулах үйлчилгээ эрхлэхэд баримтлах чиглэл” батлагдлаа.
Тус баримтлах чиглэлд интернэтээр дуу, дүрс дамжуулах үйлчилгээ эрхлэгч нь төрөөс иргэдэд хүргэх радио, телевизээс бусад тусгай зөвшөөрөл бүхий хоёр ба түүнээс дээш радио телевизийн үйлчилгээг хэрэглэгчид хүргэх тохиолдолд тусгай зөвшөөрөл авахаар тусгажээ.
Мөн интернэтээр үйлчилгээ эрхлэгч болон үүрэн холбооны үйлчилгээ эрхлэгч нь хуульд зааснаас бусад тохиолдолд интернетээр дуу, дүрс дамжуулах үйлчилгээг дамжуулахдаа интернет хурдны болон бусад хязгаарлалт хийхгүй байх,
Интернэтээр дуу, дүрс дамжуулах үйлчилгээ эрхлэгч нь үйлчилгээндээ насны хязгаар тохируулах, хүүхдийг зохисгүй контентоос хамгаалах, эцэг эхийн хяналт хийх техникийн боломжийг бүрдүүлэхээр тус, тус заажээ.
Эх сурвалж: https://www.cita.gov.mn/57714.html