Мэдлэгийн сан

   Тэтгэвэр тогтоолгох хүсэлт гаргасан даатгуулагч (иргэн) нь Нийгмийн даатгалын сангаас олгох тэтгэвэр, тэтгэмжийн тухай хуулийн 25 дугаар зүйлд заасан дараах баримт бичгийг бүрдүүлнэ. Үүнд:

1. Нийгмийн даатгалын дэвтэр;

2. Даатгуулагч 1995 оноос өмнө ажиллаж байсан бол хөдөлмөрийн дэвтэр;

3. Даатгуулагч 1995 оноос өмнө ажилласан хугацаанд авсан хөдөлмөрийн хөлснөөс тэтгэвэр тогтоолгохыг хүсвэл хөдөлмөрийн хөлсний тодорхойлолт;

4. Төрүүлсэн болон З хүртэл настайд нь үрчлэн авсан дөрөв, түүнээс дээш хүүхдээ 6 настай болтол өсгөсөн эх 20-иос доошгүй жил тэтгэврийн даатгалын шимтгэл төлсөн, 50 нас хүрсэн болзлоор тэтгэвэр тогтоолгоход хүүхдүүдийн төрсний гэрчилгээ.

   Дээр дурдсанаас гадна Нийгмийн даатгалын ерөнхий газрын даргын 2022 оны 02 дугаар сарын 24-ны өдрийн А/31 дүгээр тушаалын хавсралтаар баталсан “Тэтгэвэр тогтооход шаардагдах баримт бичгийг бүрдүүлэх, хянах журам”-ын 2-т зааснаар дараах баримтыг бүрдүүлнэ. Үүнд: 

1. Тэтгэвэр тогтоолгохыг хүссэн өргөдөл; 

2. Иргэний үнэмлэх;

3. Хөдөлмөрийн тухай болон Иргэний хуулийн дагуу байгуулсан гэрээний хугацааг дуусгавар болгосон болон ажлаас чөлөөлсөн тухай тушаал, шийдвэр;

4. Нийгмийн даатгалд сайн дураар даатгуулсан тухай гэрээ;

5. Нийгмийн даатгалын дэвтэр;

6. Үндсэн ажлаас гадуур гүйцэтгэсэн ажил үйлчилгээний орлогод шимтгэл ногдуулах хуудас;

7. Цэргийн батлах;

8. Тушаалын хуулбар, архивын лавлагаа, шүүхийн шийдвэр;

9. Төрүүлсэн болон үрчлэн авсан хүүхдийн төрсний гэрчилгээ;

10. Гомдлын шаардлагын зөвлөлийн тогтоол. 

 

Эх сурвалж: Эрх зүйн акт дэлгэрэнгүй (legalinfo.mn)