СОНГУУЛИЙН ХАНДИВЫН ТАЛААРХ ЗӨВЛӨМЖ
Сонгуулийн хандив нь мөнгөн болон мөнгөн бус хэлбэртэй байна. Хандивыг 18 насанд хүрсэн Монгол Улсын иргэн эсхүл хуулиар хориглоогүй, түүнчлэн тухайн хуулийн этгээдийн дүрэмд өөрөөр заагаагүй бол хуулийн этгээд өгч болно.
Мөнгөн хандив нь иргэний хувьд 10,000,000 (арван сая) төгрөг хүртэл, хуулийн этгээдийн хувьд 30.000.000 (гучин сая) төгрөг хүртэл байна.
Иргэн, хуулийн этгээдээс нам, эвсэлд, эсхүл сонгуулийн тойрогт нэр дэвшигчид зардлын данс нээсэн өдрөөс хойш сонгуулийн үйл ажиллагаанд нь зориулан дээрх хэмжээнээс хэтрүүлэхгүйгээх сонгуулийн зардлын дансанд хандив өгч болно.
Хандив өгч байгаа иргэн нь өөрийн нэр, иргэний бүртгэлийн дугаар, хандивын эх үүсвэрийн талаарх мэдээллээ банкны гүйлгээний баримтад тусгана.
Хандив өгч байгаа хуулийн этгээд нь нэр, регистрийн дугаар болон хандивын эх үүсвэрийн талаарх мэдээллээ банкны гүйлгээний баримтад тусгана.