ИМПОРТЫН СОГТУУРУУЛАХ УНДААНЫ ТЕХНИКИЙН ЗОХИЦУУЛАЛТ

Аж Үйлдвэрийн Сайдын 2016 оны 4-р сарын 12-ны өдрийн 64 тоот тушаалаар ийнхүү батлагдсан “Импортын согтууруулах ундааны техникийн зохицуулалт”-ын талаар товч мэдээлэл хүргэе. 2016 оны 5-р сарын 1-ний өдрөөс эхлэн мөрдөхөөр болжээ.

Энэхүү зохицуулалтад Монгол Улсын нутаг дэвсгэрт согтууруулах ундааг импортоор оруулж ирэхэд тавигдах эрүүл ахуйн болон техник, орцын хэмжээний шаардлагыг тусгасан байна.

Дор дурдсан стандарт болон норматив техникийн баримт бичиг дэх шаардлагын дагуу импорт лох болон ашиглана. Үүнд:

· MNS 0179, Төрөл бүрийн архи. Техникийн ерөнхий шаардлага.

· MNS 0181, Төрөл бүрийн шар айраг. Техникийн ерөнхий шаардлага

· MNS 5074, Төрөл бүрийн дарс, дарсны төрлийн бүтээгдэхүүн. Техникийн ерөнхий шаардлага

· MNS 5984, Согтууруулах ундаа. Ликёр болон ликёрийн төрлийн архи. Техникийн ерөнхий шаардлага

· MNS 5253, Жимс, жимсгэний коктейль.Техникийн ерөнхий шаардлага

1-р хүснэгт - Архи, дарс, ликёр, коктейлийн физик-хими болон хор судлалын үзүүлэлт

№	Үзүүлэлт, хэмжих нэгж	Цагаан архи	Өвөрмөц архи	Хятад архи, дарс (Моутай болон бусад)	Солонгос архи, дарс (Сөжү болон бусад)	Япон архи, дарс (Сакэ болон бусад)	Ликёр	Дарс	Өвөрмөц дармал согтууруулах ундаа (Коньяк, брэнди,виски, ром, текила гэх мэт)	Коктейль
1	Этилийн спиртийн хэмжээ хувиар (Эзлэхүүний), хүртэл	45	60	53	45	22	55	22	57	9
2	Шүлтлэг (100 мл архийг саармагжуулахад зарцуулах 0,1 Н-ийн давсны хүчлийн хэмжээ), мл-ээр, ихгүй	3.5	3.5	-	-	-	-	-	-	-
3	Альдегид (цууны хүчилд шилжүүлэн тооцсон 1 л усгүй спиртэд агуулагдах) мг/л-ээр, ихгүй	6	8	-	70 мг/100 мл	-	-	-	-	-
4	Сувсны тос, 1 л усгүй спиртэд шилжүүлэн тооцсон, мг/л-ээр, ихгүй	6	6	-	-	-	-	-	-	-
5	Нийлмэл эфир (цуу этилийн эфирт шилжүүлэн тооцсоноор 1 л усгүй спиртэд агуулагдах хэмжээ) мг/л-ээр, ихгүй	25	25	1.5 г/л-ээс их	-	-	-	-	-	-
6	Метилийн спирт, усгүй спиртэд шилжүүлэн тооцсон хувиар, ихгүй	0.03	0.03	0.4 г/л	1. мг/мл	0.1% (бүтээгдэхүүнд)	-	-	0.1% (эзлэхүүний)	-
7	Хуурай бодис, хувиар, хүртэл	-	2.0	1 г/л	-	-	43	20	1.5 г/л	13
8	Хүчиллэг, хувиар, хүртэл	-	1.5 (Нимбэгний хүчилд шилжүүлэн тооцсоноор) мл	3 г/л	-	-	-	9 г/л	-	5.0 г/л
9	Афлатоксин	-	-	-	-	10 мкг/кг (Афлатоксин B1, B2, G1, G2-ийн нийлбэр)	Илрэхгүй (Афлатоксин В1, В2)

2-р хүснэгт - Шар айргийн физик-хими болон аюулгүй байдлын үзүүлэлт

№	Ангилал	Анхны шүүсний нягтрал, %	Спирт, жингийн %-иар	pH	CO2, %	Тогтворжилт		N-нитро орлуулагч, мг/кг, ихгүй
						Шүүсэн(Ариутгаагүй)	Шүүсэн(Ариутгасан)
1	Цайвар	7-14	2.0-8.0	4.0-4.8	0.33-0.65	7-10	25-аас багагүй	0.003
2	Бараан ба хар	11-16	3.0-9.0	4.0-4.8	0.33-0.65
3	Тусгай төрлийн	7-21	2.0-9.4	4.0-5.2	0.33-0.65

3-р хүснэгт – Согтууруулах ундааны аюулгүй байдлын үзүүлэлт

	Үзүүлэлт		Цагаан болон өвөрмөц архи	Шар айраг (пиво)	Ликёр, ликёрийн төрлийн архи	Төрөл бүрийн дарс болон өвөрмөц дармал бүтээгдэхүүн
1	Хүнд метал, мг/кг, ихгүй	Хар тугалга	0.3	0.3	0.3	0.3
2		Сурьма	-	-	-	0.2
3		Кадмий	0.005	0.03	0.03	0.3
4		Мөнгөн ус	0.005	0.005	0.005	0.05
5		Хүнцэл	0.2	0.2	0.2	0.2
6		Зэс	5.0	-	5.0	5.0
7		Төмөр	15.0	-	15.0	15.0
8		Цайр	10.0	-	10.0	10.0
9		Цагаан тугалга	10.03	-	10.03	10.03
10	Мескалин		Илрэхгүй	-	-	-

4-р хүснэгт -Шар айраг, коктейль, дарс, дарсны төрлийн согтууруулах ундааны нян судлалын үзүүлэлт

№	Үзүүлэлт, хэмжих нэгж	Байвал зохих хэмжээ
1	Гэдэсний бүлгийн эмгэг төрөгч нянгийн тоо, 100 мл-т	Илрэхгүй
2	Зэрлэг хөрөнгө ба хөгц	Илрэхгүй
3	Өвчин үүсгэгч, түүний дотор салмонелл, 25 см³-д	Илрэхгүй
4	Сүүний хүчлийн болон цууны хүчлийн бактери	Илрэхгүй
5	Нийт нянгийн тоо, ихгүй	100
6	Салс үүсгэгч нян	Байж болохгүй

Мөн түүнчлэн импортын согтууруулах ундаа нь дараах мэдээллийг агуулсан шошготой байна. Үүнд:

· Үйлдвэрлэгчийн нэр, хаяг;

· Барааны тэмдэг;

· Бүтээгдэхүүний нэр, төрөл;

· Бүтээгдэхүүний найрлага, спиртийн ангилал;

· Эзлэхүүний хэмжээ, литрээр;

· Үйлдвэрлэсэн газар;

· Үйлдвэрлэсэн он, сар, өдөр;

· Эрүүл мэндийн анхааруулга;

· Бүтээгдэхүүний гарал үүсэл;

- Хадгалах нөхцөл.

Мэдлэгийн сан

ҮЙЛ АЖИЛЛАГАА